İş yerində zorakılıq: Ən çox kim əziyyət çəkir?

İş mühitində psixoloji təzyiq halları nadir deyil və bu problem bir çox əməkdaşa təsir göstərir. Araşdırmalar göstərir ki, xüsusilə orta yaşlı qadınlar bu cür hallarla daha tez-tez üzləşirlər.

SuperJob platformasının keçirdiyi sorğuya əsasən, respondentlərin 42 faizi rəhbərlik, 27 faizi isə həmkarları tərəfindən psixoloji təzyiqə məruz qaldığını bildirib. Qadınlar bu cür halları kişilərlə müqayisədə daha çox qeyd edirlər.

Statistikaya görə, 35–45 yaş aralığında olan qadınlar ən həssas qrupdur. Bu kateqoriyaya daxil olanların 49 faizi rəhbərlik tərəfindən, 38 faizi isə həmkarlar tərəfindən səlahiyyətlərdən sui-istifadə halları ilə qarşılaşıb.

İş yerində sui-istifadənin əsas formaları

Psixoloji təzyiq və təhqir – 28%

Əmək qanunvericiliyinin pozulması – hər dörd nəfərdən biri

İctimai şəkildə rüsvay etmə – hər beş nəfərdən biri

Görməzdən gəlmə və təkəbbürlü münasibət – 19%

Sistematik, əsassız tənqid və qaralama – 16%

Mütəxəssislər qeyd edirlər ki, bu cür hallar əməkdaşların psixoloji sağlamlığına, iş məhsuldarlığına və ümumi iş mühitinə ciddi mənfi təsir göstərir.

 Xpress.az