İdman
Qurban Qurbanov bu futbolçunu əsas komandadan kənarlaşdırdı
Xpress.az Redaksiyası
17.04.2026 13:17
"Qarabağ"ın baş məşqçisi Qurban Qurbanov müdafiəçisi Abbas Hüseynovu əsas komandadan kənarlaşdırıb.
Bu barədə klubun mətbuat xidmətindən məlumat verilib.
Bildirilib ki, baş məşqçinin bu qərarı verməsinə səbəb oyunçunun nizam-intizam qaydalarını pozması olub. Buna görə də 30 yaşlı müdafiəçi əvəzedici heyətə göndərilib.
Qeyd edək ki, bu, klubda baş verən ilk belə hal deyil. Bir müddət öncə digər futbolçu Sami Mmae də eyni səbəbdən - nizam-intizam qaydalarını pozduğuna görə analoji cəza ilə üzləşmişdi.
