“AtaSığorta” LƏĞV EDİLİR – Müştərilərin aqibəti necə olacaq? – RƏSMİ AÇIQLAMA
“AtaSığorta” sığorta şirkətinin sığorta portfeli "Atəşgah Sığorta" şirkətinə ötürülüb. Bunun nəticəsində, "AtaSığorta" ilə vətəndaşlar arasında bağlanmış sığorta müqavilələri aprel ayının 10-dan etibarən “Atəşgah Sığorta Şirkəti" ASC-yə keçib.
Bəs “AtaSığorta”nın müştərilərinin aqibəti necə olacaq?
Məsələ ilə bağlı “AtaSığorta”nın sığorta portfelinin ötürüldüyü "Atəşgah Sığorta"ya sorğu ünvanladıq. Şirkətdən Bizim.Media-ya bildirildi ki, “AtaSığorta”nın müştəriləri hər hansı problemlə üzləşdiyi haqda “Atəşgah Sığorta”ya məlumat verə bilər:
“Aprelin 10-dan etibarən ləğv edilən şirkətin sığorta portfeli “Atəşgah Sığorta”ya ötürülüb. Bu müddətdə vətəndaşların müəyyən məsələlərlə bağlı əlbəttə müraciətləri qeydə alınıb və yardım göstərilib”.
Xatırladaq ki, ötən ilin sonuna "AtaSığorta" şirkətinin yığım portfelinin həcmi 10 milyon 31 min manat olub. Yanvar ayının 6-da isə Mərkəzi Bank sığorta şirkətinin sığorta satışlarını məhdudlaşdırıb və ASC-yə müvəqqəti inzibatçı təyin etmişdi.
