Prezident: Kəlbəcər, Ağdərə və Zəngilanda yataqlar işə salınacaq
"İşğaldan azad edilmiş ərazilərdə istismarda olan yataqların tezliklə işə salınması vacibdir. Bunlar, ilk növbədə, Kəlbəcər, Ağdərə və Zəngilan rayonlarında yerləşən qızıl, mis, molibden yataqlarıdır. Ağdərə rayonunda artıq işlərə başlanılmışdır".
Bu barədə Prezident İlham Əliyev dağ-mədən və metallurgiya sənayesinin inkişafına dair Dövlət Proqramına həsr olunmuş müşavirədə bildirib.
Dövlət başçısı Balakəndəki "Filizçay" yatağının perspektivlərindən də söz açıb:
"Növbəti istiqamət Avropa qitəsində ən perspektivli yataqlardan biri sayılan Balakən rayonunda yerləşən 'Filizçay' polimetal yatağıdır. Hesab edirəm ki, tezliklə texniki-iqtisadi əsaslandırma hazır olmalı və yekun investisiya qərarı qəbul edilməlidir".
