SİVRİSİNƏK Azərbaycan Ordusunun istifadəsinə verildi
Azərbaycan 1000 kilometr mənzilli SİVRİSİNƏK kamikaze PUA-sını Ordunun istifadəsinə alıb.
Xpress.az-ın məlumatına görə, bu barədə Türkiyənin müdafiə sənayesinə bağlı olan mənbə məlumat yayıb.
Sözügedən kamikadze dronu BAYKAR şirkətinin istehsalıdır.
Xatırladaq ki, SİVRİSİNƏK bu ilin may ayında İstanbulda "SAHA 2026" Müdafiə, Aviasiya və Kosmik Sənayesi Sərgisində nümayiş olunub. "SAHA" İstanbul İdarə Heyətinin sədri Haluk Bayraktar o zaman demişdi ki, bu PUA-lar Azərbaycanda olan zavodlarda da istehsal ediləcək.
Qeyd edək ki, sözügedən aparatın uçuş məsafəsi versiyadan asılı olaraq təxminən 900–1000 kilometr təşkil edir. Bundan əlavə, sistem "fire and forget" (at və unut) prinsipi ilə işləyir və bəzi modellərdə 10 km-dən 80 km-dən artıq hədəf vurma imkanına malikdir.
PUA-nın uzunluğu təxminən 3.8 metr, qanad açıqlığı isə 3.2 metrdir. Maksimum uçuş müddəti 8–9 saatdan çox ola bilir. Saatda təxminən 55 düyün və ya dəniz mili (1 dəniz mili 1.852 km-ə bərabərdir - red.) sürəti ilə hərəkət edir.
"SİVRİSİNEK" katapult vasitəsilə buraxılır, daxili yanma mühərriki ilə işləyir və süni intellekt dəstəyi ilə hədəftanıma funksiyasına malikdir. Sistem GNSS və elektro-optik idarəetmə ilə təchiz olunub.
Mütəxəssislərin fikrincə, bu tip PUA-lar həm müşahidə, həm də zərbə əməliyyatlarında istifadə oluna bilər və müasir döyüş şəraitində çevik, effektiv vasitə hesab olunur.
- MƏKTƏBLİ ÖVLADI OLAN VALİDEYNLƏRİN NƏZƏRİNƏ!
SUALCAVAB platformasında ŞAGİRDİN BİLİYİNİ ÖYRƏN, TƏHLİL ET VƏ NƏTİCƏ ÇIXAR!
Platformada qeydiyyatdan keçərək "ELM" promokodundan istifadə etməklə hazırkı kampaniyadan faydalana bilərsiniz. Promokodu ödənişdən əvvəl daxil etdikdə istənilən paket 20% endirim ilə təqdim olunur. Promokod: ELM
Ətraflı məlumat və istifadə qaydası ilə bağlı SUALCAVAB komandası WhatsApp vasitəsilə sizə dəstək göstərəcək. - www.sualcavab.com
WhatsApp: +994 10 526 82 79 - Instagram: onlayn_sualcavab
