Fədakarlığın və Cəsarətin Bayranı: 10 Oktyabr Yanğınsöndürənlərin Peşə Bayramıdır
Hər bir peşənin öz çətinliyi, öz məsuliyyəti var. Lakin elə sənətlər mövcuddur ki, burada səhv etmək lüksü yoxdur, çünki qiyməti insan həyatıdır. Alovun, tüstünün və təhlükənin tam mərkəzinə çəkinmədən atılan, başqalarının xilası üçün öz həyatını riske atan fədakar peşə sahibləri – yanğınsöndürənlər məhz belə bir missiyanı daşıyırlar.
Oktyabrın 10-u Azərbaycanda Yanğınsöndürənlərin Peşə Bayramı Günü kimi qeyd olunur. Bu əlamətdar gün Ümummilli Lider Heydər Əliyevin 2002-ci il 5 oktyabr tarixli Sərəncamı ilə təsis edilmişdir. Məqsəd ölkəmizdə yanğından mühafizə xidmətinin formalaşmasında, inkişafında və əhalinin təhlükəsizliyinin təmin olunmasında müstəsna xidmətləri olan bu peşə sahiblərinin əməyinə yüksək dövlət giymətini və ehtiramını göstərməkdir.
Azərbaycan Fövqəladə Hallar Nazirliyinin Dövlət Yanğından Mühafizə Xidmətinin əməkdaşları hər gün böyük sınaqlarla üz-üzə qalırlar. İstər mənzil və sənaye obyektlərində baş verən yanğınlar, istər çətin relyefli ərazilərdə meşə alovları, istərsə də texnogen qəzalar zamanı onlar ilk köməyə çatan xilaskarlardır.
Yanğınsöndürənlərimizin şücaəti yalnız dinc dövrün hadisələri ilə məhdudlaşmır. 44 günlük Vətən Müharibəsi dövründə düşmənin raket və top atəşinə tutduğu yaşayış məntəqələrimizdə, mülki obyektlərdə alovların söndürülməsində yanğınsöndürənlərimiz əsl qəhrəmanlıq salnaməsi yazdılar. Onlar mərmilərin yağdığı anlarda belə vəzifə borclarını ləyaqətlə yerinə yetirərək onlarla insanın həyatını xilas etdilər. Bu gün də işğaldan azad edilmiş torpaqlarımızda quruculuq və təhlükəsizlik tədbirlərində onların əməyi əvəzsizdir.
Yanğınsöndürən olmaq yalnız fiziki hazırılıq deyil, həm də böyük mənəvi güc və insanlıq sevgisi tələb edir. Başqasının fəlakətini öz ağrısı kimi hiss edə bilyən, dəqiqələrlə deyil, saniyələrlə yarışan bu cəsur insanlar hər birimizin dərin hörmətinə layiqdirlər.
Bu gün münasibətilə gecə-gündüz demədən xalqımızın və ölkəmizin təhlükəsizliyi keşiyində duran bütün yanğınsöndürənlərimizi ürəkdən təbrik edirik! Xidməti vəzifəsini yerinə yetirərkən qəhrəmancasına həlak olmuş şəhid yanğınsöndürənlərimizin əziz xatirəsini dərin ehtiramla yad edirik.
Peşə bayramınız mübarək, cəsur xilaskarlar!
