Mədəniyyət
Dünyanın ən yaraşıqlı kişisi seçildi
Xpress.az Redaksiyası
28.10.2026 09:37
Amerikalı aktyor, "Xəstəxana Pitt" serialının ulduzu Noa Uayli "People" jurnalının versiyasına görə dünyanın cazibədar və yaraşıqlı kişisi seçilib.
Bu barədə jurnalın rəsmi saytında məlumat verilib.
Aktyor dünyanın ən seksual kişisi seçildiyini öyrənəndə təəccübünü gizlədə bilməyib.
"Mən bunun hansısa zarafat olduğunu düşündüm. Həyatımda heç vaxt belə bir şərəfə layiq görüləcəyimi ağlıma gətirməzdim", - deyə 55 yaşlı aktyor bildirib.
Noa Uayli nüfuzlu "Emmi" və "Qızıl Qlobus" mükafatlarının laureatıdır.
Qeyd edək ki, "İlin ən seksual kişisi" nominasiyası 1985-ci ildən təqdim olunur. Bu titulun ilk sahibi amerikalı aktyor Mel Gibson olub.
