Peşə məktəblərində oxuyanların DİQQƏTİNƏ - Təqaüdlər bu tarixdə köçürüləcək
Universitetlərlə, kolleclərlə yanaşı, Peşə Təhsili Müəssisələrinin də əksəriyyətində I kursların təqaüdləri hələ də ödənilməyib. Məsələn, buna nümunə olaraq, Rabitə və İnformasiya Texnologiyaları üzrə Bakı Dövlət Peşə Təhsili Mərkəzinin və yaxud 5 nömrəli texniki peşə məktəbini göstərmək olar.
Bəs I kursların təqaüdləri nə zaman ödəniləcək?
Bizim.Media mövzuyla əlaqədar Peşə Təhsili üzrə Dövlət Agentliyinə sorğu ünvanlayıb.
Agentlikdən bildirilib ki, təqaüdlər noyabrın 10-dək ödəniləcək.
“Yeni tədris ilinin başlanması ilə əlaqədar yeni qəbul olmuş tələbələrin kart sifarişləri, müvafiq sənədlərin üst qurum tərəfindən yoxlanılması və yeni tədris ilində təqaüd məbləğlərində artımın tənzimləməsinin həyata keçirilməsi ilə bağlı gecikmələrin olması yolveriləndir.
Təqaüd məbləğlərinin ödənilməsinin noyabr ayının 10-dək həyata keçirilməsi gözlənilir”.
