Putinə ciddi XƏBƏRDARLIQ: Öldürülə bilər
Putinə “ciddi risklər” səbəbindən Budapeştə səfərini ləğv etmək tövsiyə olunub.
Rusiya kəşfiyyatçının keçmiş zabiti Andrey Bezrukov Vladimir Putinin Donald Trampla planlaşdırılan görüş üçün Budapeştə səfərinin sui-qəsd cəhdi ilə nəticələnə biləcəyini iddia edib. O, mümkün sui-qəsdin arxasında “Britaniya elitası”nın dayandığını iddia edərək, guya Kreml rəhbərinə qarşı “məkrli əməliyyat” planlaşdırdığını bildirib.
Əvvəllər ABŞ Xarici Kəşfiyyat Xidmətində gizli xidmət edən Bezrukov Rusiya televiziyasında çıxış edərək “Budapeştə getməyin mənası yoxdur” deyib. O, Macarıstana səfərin "diqqətlə planlaşdırılan Britaniya əməliyyatının bir hissəsi ola biləcəyini" iddia edərək, Trampla görüşü Dubaya dəyişdirməyi məsləhət görüb.
Keçmiş casus “vəziyyətdən çox narahat olduğunu” vurğulayıb və mümkün sui-qəsd cəhdini “real təhlükə” adlandırıb. Lakin o, iddialarını təsdiqləyən heç bir sübut təqdim etməyib.
Andrey Bezrukov ABŞ-da 2010-cu ildə Anna Çapman və digər rus agentlərinin həbsi zamanı ifşa edilib. Məhkum mübadiləsindən sonra o, Rusiyaya qayıdıb, orada Moskva Dövlət Beynəlxalq Münasibətlər İnstitutuda professor və dövlətə məxsus “Rosneft” neft şirkətinin müşaviri olub. İndi 65 yaşı var, o, Rusiya televiziyasında beynəlxalq hadisələri fəal şəkildə şərh edir.
Bezrukov açıqlamalarında Böyük Britaniyanı “Putini aradan qaldırmaq” istəməkdə ittiham edərək, “Britaniya elitası üçün Putinin yoxa çıxmasının Rusiya ilə problemlərin aradan qalxması demək olacağını” iddia edib. O əlavə edib ki, Londonun hakim sinfi guya “nüfuzunu itirir” və “hakimiyyəti saxlamaq üçün riskli addımlar atmağa hazırdır”.
Bezrukov "Budapeştin xəyanət əməliyyatının yerinə çevrilə biləcəyini" bildirsə də, gəldiyi qənaətin hansı məlumatlara əsaslandığını açıqlamayıb.
Televiziya aparıcısı Vladimir Solovyov efirdə Bezrukovdan Trampla təhdid olmadan harada danışıqlar apara biləcəyini soruşub. O cavab verdi ki, "Birləşmiş Ərəb Əmirlikləri əla alternativdir, burada daha təhlükəsiz olardı".
Solovyov qeyd edib ki, Putin çox güman "risk edib" Budapeştə gedəcək və Bezrukov buna belə cavab verib: "Bəzən həddindən artıq cəsarət fayda vermir. Ali Baş Komandan ölkəni təmsil edir və dövlətin maraqları şəxsi cəsarətdən daha vacibdir".
Səfər baş tutsa, bu, Rusiyanın 2022-ci ilin fevralında Ukraynanı işğal etməsindən sonra Putinin Budapeştə ilk xarici səfəri olacaq. Macarıstan bundan əvvəl Beynəlxalq Cinayət Məhkəməsinin Putinin ukraynalı uşaqların qanunsuz deportasiyası ilə bağlı hərbi cinayət hesab edilən həbs qərarına əməl etmək niyyətində olmadığını bildirib.
