Qarabağda Zəfərin Davamı – Xankəndində Elm Ocağı Alovlanır
Otuz il həsrətlə gözlədiyimiz torpaqlarımızın Azərbaycan Ordusu tərəfindən azad edilməsi təkcə ölkəmiz üçün deyil, bütün dünya üçün möhtəşəm bir hadisə oldu. Bu zəfərlə xalqımız ədalətin, birliyin və yenilməz ruhun simvoluna çevrildi.
Bu gün isə o torpaqlarda – Xankəndində yeni bir səhifə açılır. Qarabağ Universitetinin açılması azadlığın və dirçəlişin rəmzinə çevrilib.
Oktyabrın 31-də Azərbaycan Respublikasının Əmək və Əhalinin Sosial Müdafiəsi Nazirliyinin dəstəyi ilə keçirilən tədbirdə Vətən müharibəsində iştirak etmiş qəhrəman qazilər Qarabağ Universitetinin tələbələri ilə görüşdülər. Bu görüş təkcə bir tədbir deyil, şanlı keçmişlə ümid dolu gələcəyin qovuşduğu an idi.
Qazilərin qəhrəmanlıq hekayələri gənclərə ruh, torpağın azad nəfəsi isə hər kəsə qürur verdi. Qarabağ artıq yalnız zəfərin deyil, həm də elm və maarifin beşiyinə çevrilir.
Afaq
