Quba-Xaçmaz bölgəsində müəllimlərin regional görüşü keçirilib
Quba-Xaçmaz bölgəsində müəllimlərin regional görüşü keçirilib.
Bu gün EDU FORUM MMC-nin təşəbbüsü ilə Quba-Xaçmaz regional fəal müəllimlərinin iştirakı ilə görüş təşkil olunub. Tədbirin məqsədi müəllimlər arasında təcrübə mübadiləsini gücləndirmək, təhsildə yeni yanaşmaların tətbiqini təşviq etmək və peşəkar inkişaf imkanlarını müzakirə etmək olub.
Görüşdə Quba, Xaçmaz, Qusar, Şabran və Siyəzən rayonlarından gələn müəllimlər iştirak ediblər. Tədbir zamanı müəllimlər uğurlu təcrübə nümunələrini, eləcə də dərs prosesində və təhsil sistemində innovativ layihələrin icrası ilə bağlı fikirlərini bölüşüblər.
EDU FORUM rəhbərliyi regional müəllimlərin fəaliyyətini yüksək qiymətləndirərək, onların gənc nəslin formalaşmasında əvəzsiz rolunu xüsusi vurğulayıb. Görüş səmimi müzakirələr və qarşılıqlı təşəkkürlərlə yekunlaşıb.
Sonda fəallığı ilə seçilən müəllimlərə təşəkkürnamələr təqdim olunub.
