Orban sabah Türkiyəyə gedəcək
Macarıstan Baş naziri Viktor Orban sabah Türkiyəyə rəsmi səfər edəcək.
Səfər Türkiyə Prezidenti Rəcəb Tayyib Ərdoğanın dəvəti əsasında baş tutacaq.
Baş nazirin Yüksək Səviyyəli Strateji Əməkdaşlıq Şurasının 7-ci iclasında iştirak nəzərdə tutulur.
Səfər çərçivəsində Orban və Türkiyə rəsmiləri ikitərəfli münasibətlərin gücləndirilməsi, enerji, ticarət və regional məsələlər üzrə fikir mübadiləsi aparacaqlar. Həmçinin, ikitərəfli əməkdaşlığın hüquqi bazasını möhkəmləndirmək məqsədilə yeni müqavilələrin imzalanması gözlənilir.
Türkiyə və Macarıstan 2023-cü ildə gücləndirilmiş strateji tərəfdaşlıq elan edib və bu səfər əməkdaşlığın konkret addımlarla davam etdirilməsi baxımından önəm daşıyır.
