Venesuela ABŞ-ı neft tankerini müsadirə etməkdə ittiham edir
Venesuela ABŞ-ın Karib dənizində neft tankerini ələ keçirməsini beynəlxalq piratçılıq aktı hesab edib.
Bu barədə Xarici İşlər Nazirliyinin rəhbəri İvan Gil Pinton Telegram kanalında açıqlama verib.
Nazirliyin bəyanatında bildirilir:
“Venesuela Bolivar Respublikası Karib dənizində neft tankerinə hücumu açıq şəkildə elan edən ABŞ Prezidenti tərəfindən törədilən kobud soyğunçuluq və beynəlxalq piratçılıq aktını pisləyir və qətiyyətlə rədd edir.”
Xarici İşlər Nazirliyi xatırladıb ki, Tramp hətta 2024-cü il seçki kampaniyası zamanı məqsədinin Venesuela neftini təzminatsız ələ keçirmək olduğunu açıq şəkildə bəyan edib və ölkəyə qarşı təcavüz siyasətinin enerji ehtiyatlarını mənimsəmək üçün hazırlanmış planın bir hissəsi olduğunu vurğulayıb.
