NATO: Rusiyanın növbəti hədəfi bizik
NATO-nun Baş Katibi Mark Rutte Rusiya təhdidinin qarşısında Qərbdə kifayət qədər təcililik hissinin olmadığını vurğulayaraq "Rusiyanın növbəti hədəfi bizik. Zaman bizim xeyrimizə işləmir, indi hərəkətə keçməliyik" deyib.
Xpress.az xarici mediaya istinadən xəbər verir ki, NATO Baş katibi bu barədə Münxen Təhlükəsizlik Konfransı tərəfindən Berlində Almaniya xarici işlər naziri Johann Vadepulun moderatorluğu ilə təşkil edilən paneldə danışıb.
"Bu gün sizə NATO-nun harada durduğunu və müharibə başlamazdan əvvəl onu durdurmaq üçün nə etməli olduğumuzu anlatmaq üçün burdayam. Rusiyanın növbəti hədəfi bizik", - o qeyd edib.
Son bir ildə müdafiə istehsalının artdığını, lakin yenə də "təbrik etmə vaxtı" olmadığını vurğulayan Rutte deyib: "Qorxuram ki, çox sayda insan səssizliklə laqeyd qalır. Çox sayda insan təcililik hissini duymur və çox sayda insan zamanın bizim xeyrimizə işlədiyinə inanır. Elə deyil. Hərəkətə keçmə vaxtı indidir".
