Serbiya Rusiyadan asılılığı azaltmaq üçün digər təchizatçılardan qaz alacaq

Serbiya Prezidenti Aleksandr Vuçiç açıqlayıb ki, Rusiya ilə müqavilə imzalanmadığı üçün ölkə digər təchizatçılardan qaz alışına başlayacaq. Bu barədə Serbiyanın "N1" telekanalı məlumat yayıb.

Prezident ölkənin kifayət qədər qazla təmin olunacağını vurğulayıb:

"Enerji təhlükəsizliyini təmin edirik, çünki enerjisiz heç nə mövcud ola bilməz. Xəstəxanalar və kliniki mərkəzlər bağlanar, insanlar harada müalicə olunacaq? Bizim bütün səhiyyə sistemi dizel ilə işləyir. Ona görə də, istəsəniz də, istəməsəniz də, hər şeyi nəzərə almaq lazımdır" – deyə Vuçiç bildirib.

O, Serbiyanın enerji təhlükəsizliyini təmin etmək üçün yeni infrastruktur layihələrinə ehtiyacı olduğunu qeyd edib:

"Şimali Makedoniya ilə interkonnektor tikilməlidir. Qaz məsələsinə gəlincə, “məhsul boru kəməri” inşa olunmalıdır. Yəni Rumıniya ilə qaz interkonnektorundan əlavə, neft boru kəməri də tikilməlidir" – deyə Prezident bildirib.

Eyni zamanda, Aleksandr Vuçiç Rusiya tərəfinin ərəb şirkəti "ADNOC" ilə "NIS"ın 56 faiz səhminin alınması üzrə danışıqların ciddiliyinə inandığını və vəziyyətin 15 yanvara qədər həll olunmasını gözlədiyini söyləyib.

Hazırda Serbiyada yanacaq çatışmazlığının gözlənilmədiyi və ehtiyatların kifayət qədər olduğu vurğulanıb.