Trampın kürəkəni Cared Kuşner Belarus partizanlarının nəslindəndir
Xpress.az xəbər verir ki, Sputnik Belarus xəbər verir ki, ABŞ-ın keçmiş prezidenti Donald Trampın kürəkəni və onun administrasiyasının keçmiş müşaviri Cared Kuşner Belarus partizanlarının nəslinə bağlıdır. O, Vladimir Putinlə görüşmək üçün Moskvaya gələn nümayəndə heyətinin tərkibində yer alıb.
Məlumata görə, Kuşnerin əcdadları İkinci Dünya müharibəsi zamanı Navahrudak (Novogrudok) gettosundan qaçaraq Bielski partizan dəstəsinə qoşulublar. Navahrudak gettosu 1941-ci ildə nasistlər tərəfindən yaradılmışdı. Ailənin başçısı Zeidel Kuşner və qızları meşəyə sığınaraq partizanlara qoşulmağa nail olublar.
Z. Kuşnerin qızlarından biri — Raya — dəstədə Josef Berkoviçlə tanış olub, onun soyadını qəbul edərək sonradan ABŞ-a mühacirət edib. Bu nigahdan dünyaya gələn Çarlz Berkoviç daha sonra uğurlu biznesmen olub və onun nəslindən olan Cared Kuşner isə İvanka Trampla evlənərək ABŞ liderinin ailə dairəsinə daxil olub.
44 yaşlı Cared Kuşner 1981-ci ildə Nyu-Cersi ştatında anadan olub. Rusiya prezidentinin köməkçisi Yuri Uşakov daha əvvəl bildirmişdi ki, Kuşner Ukrayna üzrə sülh prosesinə dair danışıqlarda qısa müddətlik iştirak edib. Uşakov onu “yeni sima” adlandırsa da, Kuşnerin Yaxın Şərqlə bağlı layihələrdə çalışdığı və Kremlə təqdim olunan bəzi sənədlərin hazırlanmasında iştirak etdiyi də qeyd olunub.
