Tramp BBC-yə qarşı 10 milyardlıq iddia qaldırdı

ABŞ Prezidenti Donald Tramp BBC-nin Panorama sənədli filmində çıxışlarının təhrif olunduğunu əsas gətirərək Cənubi Florida dairəsinin məhkəməsinə iddia ərizəsi təqdim edib. Tramp ərizədə BBC-ni “prezidentin adını ləkələyən, qeyri-dəqiq, böhtan xarakterli, çaşdırıcı və pis niyyətli” materiallar yaymaqda ittiham edir.

Prezident məhkəmədən cavabdehlərə qarşı ən azı 5 milyard dollar kompensasiya tələb edir. Bundan əlavə, o, BBC-nin Florida ştatının aldatıcı və vicdansız ticarət qanunlarını pozduğunu iddia edərək əlavə 5 milyard dollar tələb edir. Beləliklə, Trampın ümumi iddia məbləği 10 milyard dollara çatır.

2024-cü ildə Panorama filminin tənqidlərindən sonra BBC-nin baş direktoru Tim Deyvi və icraçı direktor Deborah Terness 9 noyabrda istefa etdiklərini açıqlayıblar. The Telegraph qəzetinin yazdığına görə, BBC Trampın 2021-ci ilin yanvarında səsləndirdiyi nitqi təhrif edərək onun Kapitoliya qarışıqlığına təhrik etdiyi təəssüratını yaratmışdı. Tramp isə BBC jurnalistlərini “satqın”, korporasiya rəhbərliyini isə “şərəfsiz” adlandırıb.

Xpress.az