2026-cı il Ermənistan üçün ağır olacaq- Ermənistanın xarici siyasətində yeni yanaşma
Ermənistan 2026-cı ildə taleyüklü bir ildir və parlament seçkilərinin nəticəsi ölkənin gələcək istiqamətini müəyyən edəcək. Bu barədə həbsdə olan iş adamı və "Tashir Group" şirkətinin sahibi Samvel Karapetyan seçicilərə ünvanladığı yeni mesajda bildirib.
"Öz Yolunla" hərəkatının qurucusu vurğulayır ki, Ermənistan xalqının ədalətə ehtiyacı var. Karapetyan və komandası hakimiyyətə gəldikləri təqdirdə, əlaqələrdən və himayədarlardan asılı olmayaraq, ən layiqli və istedadlı şəxsləri dövlətin əsas vəzifələrinə təyin etməyi planlaşdırır.
Sahibkar və xeyriyyəçi, Ermənistanın iqtisadi inkişafını təşviq etmək üçün onilliklər ərzində formalaşmış beynəlxalq biznes əlaqələrindən istifadə edəcəyini bildirir. O, ölkənin sürətli iqtisadi artımı ilə dünyanı heyrətləndirməyi vəd edir.
Karapetyan həmçinin ölkədə yoxsulluğu aradan qaldırmaq, əhalini ağır borc yükündən azad etmək və geniş sosial dəstəyi təmin etmək niyyətindədir. Xarici siyasətdə əsas məqsəd, Rusiyaya qarşı köhnə "qisasçı" yanaşmalardan və pərdəarxası intriqalardan uzaq duraraq, həqiqətən etibarlı müttəfiq münasibətləri qurmaqdır. Ermənistan həmçinin İran və Gürcüstan üçün etibarlı tərəfdaş olacaq, eyni zamanda Türkiyə və Azərbaycan qarşısında milli maraqlarını qoruyacaq.
