Laqeydlik nədir və münasibətləri necə məhv edir?
Cəmiyyət adətən zorakılığı fiziki hücum, alçaldıcı davranış və təhqir kimi başa düşür. Lakin zorakılıq incə, gizli formalarda da özünü göstərə bilər. Psixoterapevt Yevgeni Fomin laqeydliyin nə olduğunu və bu hallarla qarşılaşdıqda nə etməli olduğunu izah edir.
Fomin bildirir ki, laqeydlik — partnyor tərəfindən göstərilən passiv zorakılığın bir formasıdır. Bu, xüsusilə maddi cəhətdən ərindən asılı qadınlarda daha çox müşahidə olunur.
“Emosional soyuqluq və sevgi çatışmazlığı laqeydliyin açıq əlamətləridir. İnsan yalnız formallığı yerinə yetirir: ər ərzaq alır, ev işləri görür, uşağı bağçaya aparır. Lakin arvadının emosional ehtiyaclarını nəzərə almır, onunla ürəkdən danışmır, kompliment etməyir və diqqət göstərmir,” — Fomin izah edir.
Belə davranışlar, partnyorun emosional ehtiyaclarına laqeyd yanaşması, onu kiçik səhvlərinə görə cəzalandırması ilə müşayiət oluna bilər. Ekspert vurğulayır ki, bu, münasibətdəki emosional bağlılığın itməsi və boşanma riskinin artması ilə nəticələnə bilər.
Laqeydliyin əlamətləri
Fomin laqeydliyin aşağıdakı göstəricilərlə özünü göstərdiyini bildirir:
Partnyor həyat yoldaşının hisslərinə və emosiyalarına maraq göstərmir;
Cinsi əlaqə, qayğı və diqqət yoxdur;
Arvad və ya kişi ilə emosional ünsiyyət minimaldır;
Sevilənlər arasında soyuqluq və maraqsızlıq artır;
Həyat yoldaşı öz ehtiyaclarının görülmədiyini hiss edir.
Nə etmək olar?
Psixoterapevtin tövsiyələrinə görə, laqeydliklə qarşılaşan şəxs belə addımlar ata bilər:
Dürüst ünsiyyət: Partnyorla nəyin narahatlıq yaratdığını açıq şəkildə müzakirə etmək;
Emosional ehtiyacları ifadə etmək: Hisslərini izah etmək və qarşı tərəfin onları başa düşməsini tələb etmək;
Suallar vermək:
Niyə mənə soyuqsan?
Niyə görüşəndə məni öpmürsən?
Niyə yeni görünüşümü görməzdən gəlirsən?
Əgər partnyor bu sualları nəzərə almır və ya davranışını dəyişdirmirsə, bu passiv istismar kimi qiymətləndirilir.
Laqeydliyin nəticələri
Fomin xəbərdarlıq edir:
“Partnyor həyat yoldaşının həyatına maraq göstərmirsə, cütlüklər qonşu kimi yaşamağa başlayır. Emosional soyuqluq artır və bu, boşanma ilə nəticələnə bilər.”
Psixoterapevt həmçinin gazlaytinqin nə olduğunu, onu necə tanımağı və aradan qaldırma yollarını izah edib.
