"Yolkanı" nə vaxt çıxarmaq lazımdır?- 2026-cı ilin yanvar ayı üçün ay təqvimi
Astroloq Zoryana Çernova yeni ildən sonra şam ağacının hansı tarixlərdə yığışdırmalı olduğumuz təqvimləri açıqlayıb.
Moskva vilayətindən olan mütəxəssisin sözlərinə görə, onun tövsiyələri xurafat deyil, ay ritmləri və planetar mövqelərin təhlilinə əsaslanır. Çernova hesab edir ki, düzgün seçilmiş tarix təkcə təmizlik prosesini asanlaşdırmır, həm də evdə il boyu hökm sürəcək ab-havaya təsir göstərə bilər.
Astroloqun hesablamalarına görə, 2026-cı ilin yanvar ayında bir neçə xüsusilə əlverişli gün mövcuddur. O, bu tarixləri “yaşıl pəncərələr” adlandırır. Bu günlərdə Milad ağacının sökülməsi sakit, ahəngdar keçəcək və evə müsbət enerji cəlb edə bilər.
İlk əlverişli tarix 7 yanvardır. Bu gün bayram dövrünü rahat və münaqişəsiz şəkildə başa vurmaq üçün ideal hesab olunur. Növbəti uğurlu vaxt 14 yanvarın axşamıdır — bu tarix simvolik olaraq Köhnə Yeni il gecəsinə təsadüf edir və məkanı yeni mərhələyə hazırlamaq üçün münasib sayılır.
Çernova 17 və 18 yanvar tarixlərini köhnədən qurtulmaq və yeniliyə yer açmaq baxımından xüsusilə güclü günlər kimi qeyd edir. Əlverişli dövr 21–22 yanvar aralığı ilə yekunlaşır — bu günlər evdə səliqə yaratmaq və qarşıdakı iş həftəsinə hazırlaşmaq üçün münasibdir.
Astroloq eyni zamanda bəzi günlərdə Milad ağacını sökməyi tövsiyə etmir. Onun fikrincə, səhv vaxt seçimi evdə gərginlik, xırda mübahisələr və hətta maliyyə qeyri-sabitliyi yarada bilər.
Əlverişsiz günlər sırasında 3 və 4 yanvar göstərilir — bu tarixlərdə ailə üzvləri arasında səbəbsiz narazılıqlar arta bilər. 10 və 11 yanvar qeyri-sabit enerji ilə xarakterizə olunur və adi təmizliyi belə stresli prosesə çevirə bilər. Maraqlı məqam 14 yanvarla bağlıdır: bu günün axşamı əlverişli sayılsa da, səhər saatlarında Milad ağacını sökmək məsləhət görülmür. Siyahını 26 yanvar tamamlayır — astroloq bu günü vacib ev işləri üçün uyğun hesab etmir.
Beləliklə, 2026-cı ilin yanvarında Milad bəzəklərini yığışdırarkən yalnız ailə ənənələrinə deyil, astroloji tövsiyələrə də diqqət yetirmək olar. Mütəxəssislərin fikrincə, düzgün seçilmiş tarix adi məişət işini ahəngli bir rituala çevirə və evdə il boyu rahat, müsbət atmosferin formalaşmasına kömək edə bilər. Əsas məqam isə öz hisslərinizi dinləmək və evinizdə sizi sevindirən mühit yaratmaqdır.
Xpress.az
