Ər arvadın hansı tərəfində yatmalıdır? - Qədim inanclar və müasir baxış
Evli cütlüyün həyatında bir çox məqam incə mənəvi aləmlərlə əlaqələndirilir. Bu, intellektual uyğunluq, mənəvi birlik və emosional sevgi ilə bağlıdır. Qədim dövrlərdə slavyanlar inanırdılar ki, hətta ər-arvadın yuxu zamanı yataqda bir-birinə nisbətən necə yerləşməsi belə ailə harmoniyasına təsir göstərə bilər.
Arvad ərinin hansı tərəfində yatmalıdır?
Qədim Rusiyada belə bir inanc var idi ki, arvad həmişə ərinin sağ tərəfində yatmalıdır. Bu düşüncə iki əsas amilə əsaslanırdı: mənəvi inanclar və kişi–qadın sosial rolları.
Mənəvi baxımdan ən etibarlı və düzgün mövqe insanın sağ tərəfi hesab olunurdu. “Kiminsə sağ əli olmaq” ifadəsi də bu anlayışdan yaranıb. Qədim bütpərəst inanclara görə, sağ əl həqiqətin və işıqlı qüvvələrin simvolu idi. İnsanlar and içərkən sağ əllərini ürəklərinin, sonralar isə Müqəddəs Kitabın və ya ikonanın üzərinə qoyurdular. Bu gün də sağ əllə salamlaşmaq təmiz niyyətin göstəricisi sayılır.
Sol tərəf isə yalan və aldatma ilə əlaqələndirilirdi. Qadının xəyanətindən qorunmaq istəyən kişi yatağın sol tərəfində yatırdı ki, arvadı onun sağında yerləşsin.
Bununla yanaşı, qədim Rusiyada kişilər cəmiyyətdə və ailədə dominant mövqedə olduqları üçün ailə həyatında da əsas söz sahibi sayılırdılar. Qadın isə ailə başçısı olan kişiyə sadiq yoldaş, dayaq və dəstək rolunu oynayırdı. Bu səbəbdən arvadın yatağın sağ tərəfində yatması ər üçün sədaqət və harmoniya rəmzi hesab edilirdi.
Feng Şuiyə görə yataqda düzgün yerləşmə
Qadının sağda, kişinin solda yatması qaydası yalnız slavyan mədəniyyətində deyil, bir çox başqa xalqlarda da mövcud olub. Feng Şui kimi taoist təlimlərdə məkan münasibətləri xüsusi əhəmiyyət daşıyır. Bu təlimə görə, qadının ərinin sağ tərəfində yatması onun qadın mahiyyətini qoruyur.
Qədim Çin və Yaponiyada isə inanılırdı ki, ərinin sol tərəfində yatan qadın hamilə qala və uşaq dünyaya gətirə bilməz.
Müasir baxış
Müasir tibb bu məsələyə daha praqmatik yanaşır. Həkimlərin fikrincə, əsas məsələ hər iki həyat yoldaşı üçün rahat və keyfiyyətli yuxunun təmin olunmasıdır. Yan üstə yatarkən sağ tərəfin seçilməsi daha məqsədəuyğun hesab olunur, çünki sol tərəfdə uzanmaq daxili orqanların ağırlığının ürəyə düşməsinə səbəb ola bilər.
Əgər insan qarnı və ya kürəyi üstə yatmağa üstünlük verirsə, əsas meyar öz rahatlığı və həyat yoldaşına mane olmamaqdır. Bu seçim tamamilə fərdidir.
Lakin Fenq Şui kimi inanclara səmimi şəkildə inanan insanlar üçün bu qaydalara əməl etmək psixoloji rahatlıq yarada bilər. Özünütəlqin güclü təsirə malikdir: müəyyən qaydaların faydalı olduğuna inanmaq bədənə və ruha müsbət təsir göstərə, əksinə, mənfi inanclar isə narahatlıq yarada bilər.
Xpress.az
