Gülüşün sağlamlığa inanılmaz faydaları
Psixoloq Aleksandr Ovçinnikov gülüşün həm zehni, həm də fiziki sağlamlığa faydalarını açıqlayıb. Onun sözlərinə görə, gülüş ateroskleroz, ürək problemləri, infarkt və insultların qarşısını alan təbii “damar masajı”dır. Bir dəqiqəlik həqiqi gülüş, intensiv on dəqiqəlik kardio məşqinə bərabər hesab olunur.
"Gülüş qədim təkamül yolu ilə yaşamaq mexanizmidir. Biz onu sevincin təzahürü kimi görürük, amma əslində bu, stressə uyğunlaşma strategiyasıdır. Təsəvvür edin ki, kədər və göz yaşlarının hökm sürdüyü bir mərasimdə insanlar sonunda maraqlı hadisələri xatırlayıb gülürlər – bu, gülüşün gündəlik çətin vəziyyətlərə necə adaptasiya etməyimizə kömək etdiyinin bariz nümunəsidir," – deyə Ovçinnikov bildirib.
Bundan əlavə, gülüş zamanı T-limfositlərin aktivliyi artır, immunoglobulin A səviyyəsi yüksəlir və selikli qişalar viruslara qarşı daha yaxşı qorunur. Nəticədə, gülən insanın kəskin respirator virus infeksiyalarına yoluxma riski azalır.
Xpress.az
