Transmilli cinayətlər üçün “çətir”: Beynəlxalq təşkilat təmsilçisinin QANDONDURAN ƏMƏLLƏRİ - FOTO
“Epşteyn faylları göstərdi ki, diplomatik və yarı-diplomatik statusa malik transmilli humanitar infrastrukturlar necə transmilli cinayətlər üçün “çətir” rolunu oynayırlar. Təsəvvür edin ki, Epşteynə “Afrikadan oğlan uşağı gətirim, yoxsa qız uşağı” deyə soruşan cinayətkar şəxs uşaq evlərində, sığınacaqlarda dövlət reabilitasiya və müdafiə proqramlarının donoru kimi çıxış edib”.
Xpress.az xəbər verir ki, bu barədə politoloq Yeganə Hacıyeva sosial media hesabında məlumat paylaşıb.
O, haqqında bəhs etdiyi cinayətkarın fotosunu paylaşaraq bunları qeyd edib: “Şəkildəki şəxs Nepalda BMT-nın uşaq əməyi ilə mübarizə proqramının rəhbəri olmuş, daha sonra uşaq oğurluğu, azyaşlıların cinsi istismarı və qara miqrasiyasının təşkilinə görə həbs edilmiş Peter John Dalglishdir. Peter Dalglish bütün dünyada məşhur olan “Street Kids International” xeyriyyə təşkilatının qurucusu kimi tanınıb”.
Politoloq vurğulayıb ki, Peter müxtəlif vaxtlarda Əfqanıstanda BMT-nin “UN-Habitat” missiyasına da rəhbərlik edib: “Peter daha sonra BMT Beynəlxalq Əmək Təşkilatında rəhbərliyində təmsil olunub. Ümumdünya Səhiyyə Təşkilatında Baş Şəhərsalma proqramının rəhbəri olub. BMT-nin Ebola ilə mübarizə üzrə fövqəladə missiyasının rəhbəri kimi fəaliyyət göstərib. BMT-nin himayəsi altında fəaliyyət göstərən sığınacaqlarda oğlan uşaqlarının zorlaması ittihamları üzərindən həbs olunub. O, həbsxanaya düşdükdən sonra, yaşadığı evin zirzəmisindən iki 4 və 9 yaşlı oğlan uşaqları azad edilib”.
Ərturan İSMAYIL
