Moldovalı xanım Tağı Əhmədovla bağlı XATİRƏLƏRİNİ PAYLAŞDI – FOTO
Moldovalı sabiq deputat və ombudsman Aureliya Qriqoriu “Bakı Metropoliteni” Qapalı Səhmdar Cəmiyyətinin və Yeni Azərbaycan Partiyası Yasamal rayon təşkilatının sabiq sədri, mərhum Tağı Əhmədovla xatirələrini bölüşüb.
Xpress.az xəbər verir ki, A.Qriqoriu sosial media hesabında mərhum T,Əhmədovla bağlı status paylaşaraq bunu yazıb: “18 oktyabr 2024-cü ildən etibarən aramızda yoxsan. Hamımız sənin üçün çox darıxırıq... Əziz xatirəsinə!”
Moldovalı xanım statusuna mərhum T.Əhmədovla birlikdə çəkdirdiyi fotoları da əlavə edib.
Xatırladaq ki, A.Qriqoriu 2008-2015-ci illərdə Moldova parlamentinin deputatı, ombudsmanı olub. İxtisasca hüquqşünas olan A.Qriqoriu Moldova Vəkillər Kollegiyasının üzvüdür.
O, 4 iyul 2013-cü ildə Ermənistan Konstitusiya Məhkəməsinin İrəvanda keçirdiyi beynəlxalq konfransda çıxış edərək Ermənistanı Azərbaycan torpaqlarını işğal etməkdə və azərbaycanlılara qarşı Xocalı soyqırımını törətməkdə günahlandırıb. Bundan sonra A.Qriqoriu dəfələrlə Azərbaycanda səfərdə olub, bir çox vəzifə sahibləri ilə işgüzar görüşlər keçirib, tədbirlərdə iştirak edib.
