“Telegram”da yeni dələduzluq üsulu: İstifadəçilər belə aldadılır
“Telegram”da yeni dələduzluq üsulu yayılıb.
Rusiya Daxili İşlər Nazirliyinin məlumatına görə, fırıldaqçılar artıq sadə botlar deyil, messencer daxilində işləyən xüsusi mini-tətbiqlərdən istifadə edirlər.
Onlar istifadəçiləri “asan qazanc”, investisiya, kriptovalyuta və onlayn kazino vədləri ilə cəlb edir. Qurbanlara saxta balans, artan gəlir və VIP statuslar göstərilərək uğurlu qazanc görüntüsü yaradılır. Pul çıxarmaq istədikdə isə əlavə ödəniş və ya yeni istifadəçilər cəlb etmək tələb olunur.
Məlumata görə, dələduzlar “Netflix”, “Binance”, “NVIDIA” kimi tanınmış platformaların adından da istifadə edərək etibar qazanmağa çalışırlar.
Hüquq-mühafizə orqanları vətəndaşlara messencerlərdəki “tez qazanc” təkliflərinə inanmamağı və yoxlanılmamış platformalara pul köçürməməyi tövsiyə edib.
