Uzunömürlü döşəmə üçün nələrə diqqət etmək lazımdır?
Mənzil, fərdi ev və ya ofis təmir edərkən ən vacib qərarlardan biri döşəmə örtüyünün seçimidir. Hər kəs uzunömürlü, aşınmaya davamlı, suya dözümlü və gündəlik istifadədə öz görünüşünü itirməyən material axtarır. Bəs uzun illər dəyişdirilməsinə ehtiyac qalmayacaq döşəmə üçün hansı variant daha uyğundur?
MSPC laminat nədir?
Son illər döşəmə örtükləri arasında MSPC (Mineral Stone Polymer Composite) laminat xüsusi maraq doğurur. Yüksək möhkəmliyinə görə onu bəzən "dağılmaz laminat" da adlandırırlar.
Bu material daş-mineral əsaslı quruluşa malikdir. İstehsalçının məlumatına görə, MSPC laminat zərbələrə qarşı yüksək davamlıdır, çatlamır, qırılmır və həm soyuq, həm də isti suyun təsirinə dözür.
Niyə MSPC laminata üstünlük verilir?
MSPC laminatın əsas üstünlükləri bunlardır:
tam suya davamlıdır;
114°C-yə qədər temperatur dəyişikliklərinə dözür;
döşəməaltı istilik sistemləri ilə istifadə oluna bilər;
yaş səthdə belə sürüşmə riskini azaldır;
cızıqlara və mexaniki zədələrə qarşı davamlıdır;
uşaqların və ev heyvanlarının aktiv istifadəsi zamanı belə görünüşünü uzun müddət qoruyur.
İstehsalçı bildirir ki, material ağır mebellərin yerinin dəyişdirilməsi, hündürdaban ayaqqabılar və gündəlik istifadə nəticəsində yaranan yüklənmələrə qarşı da yüksək davamlılıq nümayiş etdirir.
Mənzilin bütün otaqları üçün uyğundur
MSPC laminat yalnız mətbəx, dəhliz və ya sanitar qovşaqlarda deyil, qonaq otağı, yataq otağı və digər yaşayış sahələrində də tətbiq oluna bilər.
İstehsalçının məlumatına əsasən, örtük 240 kvadratmetrə qədər sahədə əlavə keçid profilləri olmadan quraşdırıla bilir ki, bu da interyerə daha estetik görünüş verir.
Ekoloji təhlükəsizlik
MSPC laminatın tərkibində PVC və formaldehid olmadığı bildirilir. İstehsalçı qeyd edir ki, material qızdırıldıqda belə zərərli uçucu maddələr buraxmır və müvafiq sertifikatlarla təsdiqlənib.
Bu xüsusiyyət onu xüsusilə uşaqlı ailələr, allergiya və astma xəstələri üçün daha təhlükəsiz seçimlərdən biri kimi təqdim edir.
Stone Floor haqqında
Stone Floor uzun illərdir döşəmə örtükləri bazarında fəaliyyət göstərən istehsalçılardan biridir. Şirkət məhsullarının texniki göstəricilərinin sənədlərlə təsdiqləndiyini və istifadəçilərin müsbət rəylərinin məhsulun keyfiyyətini əks etdirdiyini bildirir.
Döşəmə örtüyü seçərkən yalnız dizayna deyil, həm də materialın davamlılığına, təhlükəsizliyinə və uzunmüddətli istifadəsinə diqqət yetirmək gələcəkdə əlavə xərc və narahatlıqların qarşısını almağa kömək edə bilər.
Xpress.az
