TİGAD nümayəndələri Tuzlucada
Türkiyə İnternet Jurnalistikası Dərnəyi (TİGAD) tərəfindən təşkil olunan 13-cü Rəqəmsal Media Seminarı çərçivəsində İğdırda olan jurnalistlər, media rəhbərləri və akademiklər Tuzluca rayonunu ziyarət ediblər.
Xpress.az xəbər verir ki, Türkiyənin müxtəlif şəhərlərindən təxminən 150 media nümayəndəsi və akademikin iştirak etdiyi seminar çərçivəsində baş tutan səfər zamanı jurnalistlər Tuzlucanın tarixi, mədəni və təbii gözəllikləri ilə yaxından tanış olublar.
6–10 avqust 2026-cı il tarixlərində İğdırda keçirilən seminar zamanı rəqəmsal medianın gələcəyi, internet jurnalistikasında baş verən dəyişikliklər və yeni media sahəsindəki yeniliklər müzakirə olunur.
Seminar proqramı çərçivəsində təşkil edilən Tuzluca səfərinin əsas məqsədi rayonun turizm və mədəni dəyərlərinin tanıdılmasına töhfə verməkdir.
Aysel İbrahimli
