Dünya
Fransada etirazlar NƏZARƏTDƏN ÇIXDI
Xpress.az Redaksiyası
19.10.2026 09:31
Fransanın Marsel şəhərində tələbələrin və dövlət sektoru işçilərinin kütləvi etiraz aksiyaları fonunda naməlum şəxslər "Rolex" və "Louis Vuitton" lüks brendlərinin butiklərini yararaq qarət ediblər.
Mütəşəkkil etirazlar və iğtişaşlar Lion, Lill və Strasburq da daxil olmaqla ölkənin bir sıra iri şəhərlərini əhatə edib.
Məlumata görə, aksiya iştirakçıları ölkə ərazisində yüzlərlə məktəbin fəaliyyətini bloklayıblar. Hüquq-mühafizə orqanları tərəfindən 1000-dən çox şəxs saxlanılıb.
Şəhərlərin mərkəzi küçələrində etirazçılarla polis qüvvələri arasında şiddətli toqquşmalar davam edir. Hüquq-mühafizə orqanları təhlükəsizlik tədbirlərini gücləndirib.
