Ev heyvanı olanların diqqətinə- SİZ DƏ QEYDİYYATDAN KEÇƏCƏKSİNİZ!
Rusiyada ev heyvanlarının — it və pişiklərin — məcburi qeydiyyatı tətbiq oluna bilər.
Xpress.az xəbər verir ki. bu təşəbbüslə Təbii Sərvətlər Nazirliyi çıxış edib və “Heyvanlarla məsuliyyətli rəftar haqqında” qanuna dəyişikliklərin hazırlanmasına başlayıb. Yeni təklifə əsasən, hər bir ev heyvanı vahid dövlət məlumat bazasına daxil edilməlidir.
Qeydiyyat prosesinin mikroçipləmə yolu ilə baytarlıq klinikalarında aparılması nəzərdə tutulur. Bununla yanaşı, alternativ üsullar da müzakirə olunur — məsələn, heyvanlara yaxa və xüsusi etiket taxmaq və ya onların fotoşəkillərini xüsusi onlayn platformaya yükləmək kimi variantlar gündəmdədir.
Layihənin əsas məqsədləri:
İtirilmiş heyvanların tapılmasını asanlaşdırmaq
Sahibin məsuliyyətini artırmaq
Evsiz heyvanların sayını azaltmaq
Təşəbbüs müəllifləri hesab edirlər ki, bu sistemin tətbiqi nəticəsində 5–7 il ərzində evsiz heyvanların sayı əhəmiyyətli dərəcədə azala bilər.
Hazırda bu təklif ictimai müzakirə mərhələsindədir və qanuna rəsmi dəyişikliklərin hansı formada qəbul olunacağı yaxın vaxtlarda dəqiqləşəcək.
