Meteohəssas şəxslərə xəbərdarlıq- 16 OKTYABRDA MAQNİT QASIRĞASI...
Sverdlovsk vilayətində 2025-ci il oktyabrın 15-dən 24-dək yenidən maqnit qasırğaları müşahidə olunacaq. Meteoroloqların proqnozlarına əsasən, oktyabrın 16-da maqnit fəallığı ehtimalı 56% təşkil edir.
xpress.az xəbər verir ki, mütəxəssislər bildirirlər ki, oktyabrın 16-dan 18-dək, xüsusilə şənbə gününə qədər, maqnit qasırğalarının gücü 5 ballıq şkala üzrə yüksək səviyyəyə çata bilər. Bu günlər ərzində meteohəssas insanların sağlamlıqlarında narahatlıqlar, yuxusuzluq, təzyiq dəyişiklikləri və ümumi halsızlıq kimi əlamətlər müşahidə oluna bilər.
Həftə sonuna doğru vəziyyət qismən sabitləşəcək və yalnız zəif maqnit iğtişaşları müşahidə olunacaq. Lakin oktyabrın 20-si və 21-i – bazar ertəsi və çərşənbə axşamı günləri, maqnit qasırğalarının yenidən güclənəcəyi gözlənilir. Bu səbəbdən, xüsusilə ürək-damar və sinir sistemi problemi olan insanlara öz sağlamlıqlarına xüsusi diqqət yetirmələri tövsiyə olunur.
Eyni zamanda, hava şəraiti ilə bağlı proqnozlara görə, yaxın 10 gün ərzində Sverdlovsk vilayətində yağışlı hava şəraiti müşahidə ediləcək. Nəqliyyat vasitələrində sürücülərin və piyadaların ehtiyatlı olmaları vacibdir.
