Prezident İlham Əliyevdən WTDC-25 iştirakçılarına müraciət
Xpress.az xəbər verir ki, Azərbaycan Prezidenti İlham Əliyev Bakıda keçirilən Ümumdünya Telekommunikasiyanın İnkişafı Konfransı (WTDC-25) iştirakçılarına xüsusi müraciət ünvanlayıb.
Müraciət konfransın açılış mərasimində səsləndirilib və prezidentin məktubunu rəqəmsal inkişaf və nəqliyyat naziri Rəşad Nəbiyev oxuyub.
Dövlət başçısı müraciətində Azərbaycanın rəqəmsal transformasiya sahəsində əldə etdiyi nailiyyətlər, innovativ texnologiyaların tətbiqi və qlobal rəqəmsal əməkdaşlığın genişləndirilməsi istiqamətində ölkənin prioritetlərini diqqətə çatdırıb. İlham Əliyev həmçinin WTDC-25-in Bakıda keçirilməsinin regionun texnoloji inkişafına mühüm töhfə verəcəyini vurğulayıb.
Konfransda dünyanın müxtəlif ölkələrindən gəlmiş nümayəndələr iştirak edir və tədbir qlobal telekommunikasiya sahəsində strateji qərarların müzakirəsi üçün mühüm platforma hesab olunur.
