Siyasət
MSK sədri Məzahir Pənahov Qırğızıstanda seçkiləri müşahidə edəcək
Xpress.az Redaksiyası
28.11.2025 19:17
MSK-nın məlumatına istinadən Xpress.az xəbər verir ki, Azərbaycan Mərkəzi Seçki Komissiyasının (MSK) sədri Məzahir Pənahovun rəhbərlik etdiyi nümayəndə heyəti Qırğızıstana səfər edib.
MSK-nın açıqlamasına görə, Qırğızıstan Mərkəzi Seçki Komissiyasının sədri Tınçtık Şaynazarovun dəvəti ilə gerçəkləşən səfərin əsas məqsədi noyabrın 30-da bu ölkədə keçiriləcək növbədənkənar parlament seçkilərini beynəlxalq müşahidəçi qismində izləməkdir.
Nümayəndə heyətinin səsvermə gününədək seçkilərə hazırlıq prosesi ilə tanış olacağı, seçki günü isə paytaxtdakı məntəqələrdə səsvermə prosedurlarını müşahidə edəcəyi bildirilib.
