Siyasət
ATƏT Minsk prosesini rəsmi olaraq dayandırdı
Xpress.az Redaksiyası
01.12.2025 13:57
ATƏT rəsmi bəyanat verərək Minsk prosesi və əlaqəli bütün strukturların 30 noyabr 2025-ci il, saat 23:59-da ləğv olunduğunu açıqlayıb. Qərar Azərbaycan və Ermənistan xarici işlər nazirlərinin birgə müraciəti və regiondakı yeni reallıqlar nəzərə alınaraq qəbul edilib.
ATƏT Katibliyi vurğulayır ki, bundan sonra Minsk prosesi çərçivəsində fəaliyyət göstərən bütün strukturlar rəsmi olaraq fəaliyyətini dayandırır. Analitiklər hesab edirlər ki, bu addım regionda sülh və normallaşma prosesinə yeni mərhələ açır.
