Minsk qrupu yox oldu: ATƏT-in qara mirası bitdi!
ATƏT (Avropa Təhlükəsizlik və Əməkdaşlıq Təşkilatı) soyuq müharibə dövründə regional sabitliyi, təhlükəsizliyi və əməkdaşlığı təmin etmək, həmçinin insan hüquqlarını qorumaq məqsədilə yaradılıb. Lakin Ermənistan-Azərbaycan münaqişəsi zamanı bir çox siyasətçilər təşkilatı ədalətsizlikdə ittiham edirdi. Noyabrın 30-da ATƏT-in fəaliyyəti dayandırılıb. Deputat Tural Gəncəliyev Xpress.az-a açıqlamasında bildirib ki, ATƏT-in fəaliyyəti çərçivəsində yaradılmış Minsk qrupu artıq tarixə çevrilib və beynəlxalq gündəmdə istifadə olunmur.
O vurğulayıb ki, münaqişənin keçmiş tərəfləri — Azərbaycan və Ermənistan — sülhə nail olduqdan sonra ATƏT bu məsələdə diqqətli olmalı və keçmiş sənədləri, terminləri arxivlərdən silərək təsirsiz hala gətirməlidir.
Gəncəliyev ATƏT-in Minsk qrupu və əlaqədar mexanizmlərinin fəaliyyətinin ikiüzlülüyünü və qurumun bu məsələ qarşısında zəifliyini göstərdiyini qeyd edib. Onun sözlərinə görə, ATƏT bu “qara miras”dan azad olarsa, həm Azərbaycanın, həm də Ermənistanın maraqlarına xidmət etmiş olar.
Afaq Qurbanzadə
Xpress.az
