“Zaxarova Avropa İttifaqını qınadı: "Oğru dəstəsi!’”

Xpress.az  Rusiya KİV-ə istinadən  xəbər verir ki,Rusiya Xarici İşlər Nazirliyinin rəsmi nümayəndəsi Mariya Zaxarova Avropa İttifaqının Rusiya aktivləri ilə bağlı planlarını sərt şəkildə hədəfə alıb. Onun sözlərinə görə, Aİ-nin atdığı addımlar “mülkiyyətin açıq şəkildə mənimsənilməsi” olmaqla yanaşı, həm də beynəlxalq hüququn kobud şəkildə pozulmasıdır.

Zaxarova jurnalistlərə açıqlamasında bildirib ki, Avropa İttifaqı artıq “dövlətlərarası platforma kimi yox, oğru qruplaşması kimi davranır”:

“Aİ Rusiya aktivlərini ələ keçirmək üçün açıq-aşkar cinayətkar metodlarına əl atır. Bu, siyasi qərar deyil .Bu ən sadə dildə desək, oğurluqdur.”

Diplomatın sözlərinə görə, Avropa İttifaqının bu addımı qlobal maliyyə və hüquq sisteminə ağır zərbə vurur, ölkələr arasında etimadı sarsıdır və gələcək beynəlxalq əməkdaşlıq üçün təhlükəli presedent yaradır.

Zaxarova qeyd edib ki, Moskva bu cür “qanunsuz praktikalara” cavab verəcək və Rusiya tərəfi öz aktivlərini qorumaq üçün bütün mümkün hüquqi və siyasi mexanizmləri işə salacaq.