"Mənzillərin paylanılması prosesi şəffaf şəkildə həyata keçirilir" - ŞURA SƏDRİ + FOTO
"Xankəndi şəhərinə bu gün ilk köç həyata keçirilib. Bugünkü köç çərçivəsində 36 ailə, ümumilikdə 162 nəfər Xankəndi şəhərinə köçürülüb. Köçürülən ailələr üçün yaşayış şəraitinin yaxşılaşdırılması, sosial təminat və infrastruktur imkanlarının artırılması istiqamətində müvafiq tədbirlər görülüb. Keçmiş məcburi köçkünlər Xankəndi şəhərində müasir tələblərə cacab verən mənzillərlə təmin olunublar".
Xpress.az xəbər verir ki, bu sözləri Qaçqın və Məcburi Köçkünlərin İşləri üzrə Dövlət Komitə yanında İctimai Şuranın sədri, “Sağlam İnkişaf və Maarifləndirmə” İctimai Birliyinin rəhbəri Anar Xəlilov bildirib.
Şura sədri qeyd edib ki, bu proses təkcə məskunlaşma deyil, eyni zamanda sosial adaptasiya və cəmiyyətə inteqrasiyanı da əhatə edir: “Köç edən ailələrin sosial rifahının təmin olunması, təhsil və maarifləndirmə imkanlarına çıxışının genişləndirilməsi əsas prioritetlərdəndir. Vətəndaş cəmiyyəti institutları kimi biz də bu prosesə dəstək olmalı, maarifləndirici fəaliyyətimizi davam etdirməliyik”.
A.Xəlilov vurğulayıb ki, Xankəndi şəhərinə köç proqramı əlaqədar dövlət qurumlarının təşkilatçılığı ilə həyata keçirilib: "Keçmiş məcburi köçkünlər arasında mənzillərin paylanılması prossesində biz vətəndaş cəmiyyətinin nümayəndələri də Dövlət Komitəsi ilə yaxından əməkdaşlıq edir, prossesi bilavasitə müşahidə edirik. Əminliklə deyə bilərəm ki, proses tam şəffav şəraitdə həyata keçirilir. Müzaəffər Ali Baş Komandan, Prezident İlham Əliyevin rəhbərliyi ilə Qarabağ və şərqi Zəngəzurda həyata keçirilən genişmiqyaslı bərpa-quruculuq işləri sayəsində qarşıdakı dövrlərdə daha çox ailənin Xankəndi şəhərinə köçürülməsi planlaşdırılır".
