Səhiyyə nazirinin ofisində axtarış aparılıb - BU ÖLKƏDƏ
Krasnodar diyarının səhiyyə naziri Yevgeni Filippovun ofisində hüquq-mühafizə orqanları tərəfindən axtarışlar aparılıb. Bu barədə TASS agentliyinə hüquq-mühafizə orqanlarındakı mənbə məlumat verib.
Axtarışlar Kuban regionunda sosial xidmətlərə nəzarət etmiş keçmiş vitse-qubernator Anna Minkovaya qarşı açılmış cinayət işi çərçivəsində həyata keçirilib. Minkova daha əvvəl səhiyyə sahəsində saxtakarlıqda şübhəli bilinərək saxlanılıb.
İstintaqın versiyasına görə, Yevgeni Filippovun sözügedən sxemdə iştirak etmiş ola biləcəyi istisna edilmir. Hazırda onun prosesdə hansı statusda olduğu barədə rəsmi açıqlama verilməyib.
Qeyd edək ki, Yevgeni Filippov 2013-cü ildən Krasnodar diyarının səhiyyə naziri vəzifəsini icra edir. Onun səlahiyyət müddəti bir neçə dəfə uzadılıb, sonuncu dəfə isə bu ilin 21 yanvar tarixində yenilənib.
Xpress.az
