Rəşad Məcid: “Dövlət qurumları medianın tənqidinə laqeyd yanaşır” - VİDEO
“Medianın nüfuzu bir qədər aşağı düşüb. Bu da sosial medianın daha çox önə çıxması və hər kəsin özünü journalist hesab etməsi ilə bağlıdır. Belə xaotik vəziyyətdə ciddi medianın tənqidləri qulaqardına vurulur”.
Xpress.az xəbər verir ki, bu barədə Azərbaycan Mətbuat Şurasının sədri Rəşad Məcid “247press.news”un “5 sual, 5 cavab” layihəçi çərçivəsində sualları cavablandırarkən bildirib.
Şura sədri deyib ki, medianın tənqidinə dövlət qurumları çevik reaksiya verməlidirlər: “Vaxtilə Ümummilli Lider Heydər Əliyev deyirdi ki, mətbuatın vəzifəsi tənqid etməkdir, problemləri göstərməkdir. Bu mənada mən arzu edərdim ki, medianın tənqidinə dövlət qurumları çevik reaksiya versinlər. Bu tənqidləri qulaqardına vurub candərdi cavablar verməsinlər. Düşünürəm ki, ən ciddi məsələlərdən biri budur. Bizim dövlət qurumları medianın tənqidinə laqeyd yanaşırlar”.
Daha ətraflı videomüsahibədə:
