Vəfat edən şəxsin krediti hansı halda silinə bilər? — VİDEO
Krediti olan şəxslər vəfat etdikdə bəzilərinin borcu silinir, bəzilərinin isə qalır. Bəs bu proses necə tənzimlənir? Vəfat edən şəxsin borcu kim tərəfindən ödənilməlidir?
Xpress.az Xəzər TV-yə istinadən xəbər verir ki, iqtisadçı ekspert Əkrəm Həsənovun sözlərinə görə, əgər ölən şəxsin mülkü və vərəsəsi yoxdursa, onun borcu ödənilə bilməz.
Ekspertin sözlərinə görə, ipoteka kreditləri bu baxımdan digər kreditlərdən fərqlənir. Belə ki, ipoteka götürən şəxsin həyat sığortası varsa, o, vəfat etdikdə borc sığorta şirkəti tərəfindən ödənilir.
"Yalnız ipoteka kimi uzunmüddətli kreditlərdə banklar sığorta tələb edir. Digər kredit növlərində isə bu, məcburi deyil. Bundan başqa, sığorta əlavə xərc tələb etdiyinə görə vətəndaşlar çox vaxt bu xidmətdən imtina edirlər" , - deyə Əkrəm Həsənov əlavə edib.
Mövzu ilə bağlı daha ətraflı videomaterialı təqdim edirik:
