Bakıda pul dəyişənlər CƏRİMƏLƏNDİ
Valyuta mübadilə məntəqələri olan -“MMK-014” MMC-nin vəzifəli şəxsi 5 060 manat, "Eliko" MMC-nin vəzifəli şəxsi isə 14 169 manat cərimə edilib.
Bu barədə Bizim.Media Azərbaycan Mərkəzi Bankına istinadən xəbər verir.
Məlumata görə, AMB tərəfindən aparılan cari nəzarət prosesləri çərçivəsində “Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası”nın 3.4-cü və 3.6-cı bəndlərinin tələblərinin pozulması səbəbi ilə İnzibati Xətalar Məcəlləsinin 430.3 maddəsinə müvafiq olaraq, "MMK-014" MMC-nin vəzifəli şəxsi 5 060 (beş min altmış) manat məbləğində cərimə edilib.
AMB cari nəzarət prosesləri çərçivəsində “Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası”nın 3.6-cı bəndinin tələbinin pozulması səbəbi ilə İnzibati Xətalar Məcəlləsinin 430.3 maddəsinə müvafiq olaraq, "Eliko" MMC-nin vəzifəli şəxsi 14 169.23 (on dörd min yüz altmış doqquz manat, iyirmi üç qəpik) manat məbləğində cərimə edilib.
