“Barselona”nın ulduzu GEDİR – “Fənərbağça” hərəkətə keçdi
"Barselona"nın ulduz futbolçusu Robert Levandovski mövsümün sonunda klubdan ayrılmağa hazırlaşır
Kataloniya klubu 37 yaşlı polşalı hücumçu ilə müqaviləni yeniləməmək qərarına gəlib. Beləliklə, Levandovski mövsümün sonunda azad agent statusu qazanacaq.
Təcrübəli forvardla maraqlanan klublar arasında "Fənərbağça" da var. Türkiyə təmsilçisinin futbolçuya sərfəli şərtlərlə müqavilə təklifi** üzərində işlədiyi bildirilir.
Bununla yanaşı, Səudiyyə Ərəbistanı klubları da Levandovskini transfer siyahısına daxil edib. Lakin futbolçu hazırda karyerasını Yaxın Şərqdə davam etdirməyə istəkli deyil.
Qeyd edək ki, Levandovski 2025/2026 mövsümündə "Barselona"nın heyətində **bütün turnirlər üzrə 9 matçda iştirak edib və 4 qola imza atıb.
