Cins şalvarınızı yuymazdan əvvəl bunu edin – İLLƏRLƏ YENİ KİMİ QALSIN

Gündəlik həyatın ayrılmaz hissəsi olan cins şalvarlar bir neçə yuyulmadan sonra tez-tez solur, sərtləşir və formasını itirir. Tekstil mütəxəssisləri isə bu problemin həllinin əslində mətbəx dolabında olduğunu deyirlər.
Cins parça dözümlü olsa da, eyni zamanda həssas quruluşa malikdir. Tez-tez yuma, yüksək temperatur və güclü kimyəvi tərkibli yuyucu vasitələr parçaya ciddi zərər verir. Xüsusilə 30°C-dən yuxarı temperatur və ağardıcı tərkibli tozlar rəngin tez solmasına, liflərin isə zəifləməsinə səbəb olur.
Bir tekstil mütəxəssisi belə izah edir:
“Əslində cins şalvarlar hər geyimdən sonra deyil, bir neçə geyimdən bir yuyulmalıdır. Yuyarkən onları tərs çevirmək və minimum miqdarda yuyucu vasitə istifadə etmək vacibdir. Yuyucu tozların tərkibindəki aqressiv kimyəvilər parçanın həm liflərinə, həm də rənginə zərər verir.”
Bəs sadə bir mətbəx məhsulu olan sirkə bu problemi necə həll edir?
Sirkə kimyəvi maddə tərkibli deyil və cins parça üçün təbii qoruyucu rolunu oynayır:
Boya molekullarının parçaya daha möhkəm yapışmasını təmin edir, rəngin axmasının qarşısını alır.
Yuyucu vasitənin qalıqlarını neytrallaşdıraraq parçanın sərtləşməsini önləyir, təbii yumşaqlığını qoruyur.
Aşağı temperaturda yuyulmadan sonra əmələ gələ bilən nəmişlik və kəsif qoxunu aradan qaldırır.

Cins şalvarlarınızın ömrünü uzatmaq üçün bu sadə addımları izləyin:
Paltaryuyan maşının yumşaldıcı gözü­nə yarım stəkan (təxminən 100 ml) ağ sirkə əlavə edin.
Cins şalvarınızı tərs çevirin və 30°C temperaturda, “həssas” proqramı seçərək yuyun.
Sirkə kimyəvi yumşaldıcının funksiyasını tamamilə təbii şəkildə yerinə yetirəcək.
Yuyulduqdan sonra şalvarınızı birbaşa günəş altında deyil, kölgədə asaraq qurudun.
Bu sadə üsul yalnız rəngi sabitləşdirmir, həm də parçanın liflərinin dartılıb uzanmasının və büzülməsinin qarşısını alır.
Nəticədə cins şalvarınız uzun müddət yeni alınmış kimi görünəcək.

XPress.az