Evdəki ən çox enerji “yeyən” cihaz: 65 soyuducu qədər elektrik sərf edir
Elektrik xərcləri getdikcə artdığı üçün evdə enerji qənaəti artıq zərurətə çevrilib. Mütəxəssislər bildirirlər ki, evdə ən çox elektrik sərf edən cihaz məhz elektrik sobasıdır.
Əksər elektrik sobaları 2000–5000 vatt gücündə işləyir və bu, ayda təxminən 40–90 kVt/saat enerji istehlakı deməkdir. Müqayisə üçün, orta gücdə bir soyuducu 300–800 vatt arasında enerji sərf edir. Bu isə o deməkdir ki, bəzi sobalar 65 soyuducu qədər elektrik istifadə edə bilər.
Fərq ondan qaynaqlanır ki, sobalar yüksək temperaturu tez əldə etməli və onu uzun müddət saxlamaq üçün fasiləsiz işləməlidirlər. Bəzi modellər isə saat və ya rəqəmsal displey kimi funksiyalara görə hətta gözləmə rejimində belə elektrik sərf etməyə davam edir, bu da illik istehlakı 224 kVt/saata qədər artıra bilər.
Enerji qənaəti üçün sadə üsullar
Enerji mütəxəssisləri bildirirlər ki, bir neçə sadə vərdiş dəyişiklikləri ilə aylıq elektrik xərclərini əhəmiyyətli dərəcədə azaltmaq mümkündür:
Sobadan eyni vaxtda bir neçə yemək bişirmək üçün istifadə edin.
Bişirmənin bitməsinə bir neçə dəqiqə qalmış sobanı söndürün və yeməyi qalıq istiliklə bişirin.
Sobanın qapısını tez-tez açmayın – istilik itkisi daha çox enerji sərfiyyatına səbəb olur.
Əgər modeliniz gözləmə rejimində enerji çəkirsə, istifadə etmədiyiniz zaman sobanı şəbəkədən ayırın.
Əsl təhlükə kiçik cihazlardadır
Mütəxəssislər xəbərdarlıq edirlər ki, insanlar evdən çıxmazdan əvvəl adətən sobanı yoxlayırlar, lakin əsl enerji itkisi və təhlükə çox vaxt kiçik cihazlardan – qəhvədəmləyənlər, televizorlar və şarj cihazlarından gəlir.
Bu cihazlar istifadə edilmədiyi halda belə enerji sərf edir, həmçinin həddindən artıq qızma və yanğın riski yaradır. Buna görə də, şarj cihazlarını və qəhvədəmləyənləri daim şəbəkəyə qoşulu saxlamaqdan çəkinmək tövsiyə olunur.
Artan elektrik ödənişlərinin səbəbi çox vaxt cihazların gücündən çox gündəlik vərdişlərimizlə bağlı olur. Sadə tədbirlər – istifadə olunmayan cihazları şəbəkədən ayırmaq və səmərəli bişirmə üsullarına keçmək – həm enerjiyə, həm də ailə büdcəsinə qənaət etməyə kömək edə bilər.
