Güzəştli gediş haqqı nə zaman tətbiq ediləcək? - EKSPERT AÇIQLADI
Son zamanlar ictimai nəqliyyatda qiymətlərin qalxması əhali arasında müəyyən fikir ayrılıqları yaradıb. Lakin sevindirici bir məlumatda var ki, yeni qaydalara əsasən güzəştli gediş haqqı mexanizminin tədbiqi planlaşdırılır. Sözügedən proses hansı şərtlər əsasında həyata keçəcək sualını nəqliyyat eksperti Elməddin Muradlı Xpress.az -a verdiyi açıqlamasında cavablandırıb.
"Hələki,güzəştli gediş haqqı məsələsi reallaşmayıb.
Güzəştli gediş haqqı mexanizmi deyəndə bir gedişlə bir neçə nəqliyyat vasitələrinin istifadəsi nəzərdə tutulur.Misal olaraq 90 dəqiqə ərzində kartdan bir dəfə istifadə edilir.
Sərnişin eyni gediş haqqını həm metro həm də avtobusda bir saat yarım ərzində istifadə edə bilər.
Bu üsul bir neçə ölkədə tədbiq olunaraq,müsbət qarşılanır.Nəticə etibarilə insanlar ictimai nəqliyyata daha çox maraq göstərəcəklər.
Bu mexanizmin tədbiqi xüsusi ilə Bakı şəhəri ətrafında,qəsəbələrdə yaşayan insanlar üçün əlverişlidir.
Məsələn sərnişin Buzovnadan avtobusla Koroğlu metrosuna gəlir. Metrodan istifadə etdikdə isə əlavə gediş haqqı ödəyir. 60 qəpik avtobus, 60 qəpik də metroya ödəyir . Bu isə gəlir 1 manat 20 qəpiyə çatır.
Təbii ki sərnişin gediş haqqının çox olduğunu nəzərə alaraq,2 manatlıq taksilərdən istifadə edir.
Amma əgər güzəştli gediş haqqı mexanizmi işə düşərsə, adam fikirləşər ki, cəmi 60-70 qəpiyə gedib çata bilər. O zaman ictimai nəqliyyatı üstün tutacaq.Bundan əlavə
Tələbə və təqaüdçülər üçün də müəyyən güzəştlər nəzərdə tutulub.Bu isə bir az qəliz mexanizmdir. Bu məsələni həll etmək üçün bütün avtobuslar nağdsız,
kart sisteminə keçməlidir ki,tələbə və təqaüdçülər üçün ya hansısa bir xüsusi kart satılmalıdır ya da (kartlar ancaq onların istifadəsində olsun) ya da onların hansısa elektron sistem üzərindən qeydiyyatı aparılmalıdır. Qeydiyyat ona görə lazımdır ki, onlar içtimai nəqliyyatdan pulsuz istifadə edə bilsinlər. Elektron sistem önəmlidir ona görə ki,daşıyıcı şirkətlər gündəlik nə qədər tələbə və təqaüdçülər daşıyırsa, dövlət onun qarşılığını verə bilsin.
Gələcəkdə digər güzəşt mexanizminin tədbiqi də nəzərdə tutulub.
Bu isə digər istifadəçilərin aylıq, illik,həftəlik kartı alma mexanizmləri ilə bağıdır.Ola bilsin vətəndaş həftəlik kart alır gediş haqqı onun üçün 60 qəpiyə başa gəlir,amma aylıq kart alsa 55, illik 45 qəpiyə düşür.O zaman vətəndaş özünə əlverişli olan illik kartı əldə edəcək. Belə olan halda onun üçün gediş haqqı 45 qəpik olur Məsafədən asılı olaraq da gediş haqqı məsələsi də nəzərdə tutulub. Güzəştli gediş haqqı mexanizminin nə zaman reallaşacağı haqqında hələki bir məlumat yoxdur. Düşünürəm ki,dünya təcrübəsində mövcud olan və ya olmayan fikirləri müzakirə edərək yaxşı nəticə almaq olar".
Afaq
