Bu beş əlamət insanın yaşıdlarından daha uzun yaşayacağını göstərir
Uzunömürlülük mövzusu çox zaman paradoksal görünür. Bəzi insanlar ciddi qaydalara riayət etmədən ahıllığa qədər yaşayır, bəziləri isə sağlam həyat tərzinə fanatik sadiqlik göstərsə də, vaxtından əvvəl dünyasını dəyişir.
Həkimlər, psixoloqlar və alimlərin uzunömürlülərlə bağlı müşahidələri ardıcıl qanunauyğunluqları üzə çıxarıb. Ömrü uzadan bu amillər nə mistikadır, nə də yalnız genetika ilə izah olunur.
Xpress.az xəbər verir ki, Harvard T.H. Çan İctimai Səhiyyə Məktəbinin araşdırmasına görə, nizamlı insanlar orta hesabla 4–6 il daha çox yaşayırlar, çünki intizam əslində özünəqayğının və özünüqorumanın formasıdır.
Söhbət birlikdə təsir göstərərək orqanizmin gündəlik yüklənmə və stressə qarşı davamlılığını artıran xüsusi vərdişlərdən, münasibətlərdən və xarakter xüsusiyyətlərindən gedir. Mütəxəssislər insanın yaşıdlarına nisbətən daha uzun yaşamaq potensialına malik olduğunu göstərən beş əsas əlaməti ayırd edirlər.
Mütəşəkkil və nizamlı insanlar uzunömürlülük baxımından daha üstün göstəricilər nümayiş etdirirlər. Bu xüsusiyyət yalnız siyahı, cədvəl və gündəliklərə maraqla deyil, insanın öz gələcəyinə və sağlamlığına dərin hörməti ilə bağlıdır. Belə insanlar mütəmadi tibbi müayinələrdən keçir, profilaktik qayğını qəzetmə və qorxu deyil, şüurlu münasibət kimi qəbul edirlər.
Daxili nizam-intizam narahatlığı azaltmağa kömək edən mühüm mexanizmdir. Həyatdakı nizam emosional xaosu minimuma endirir və bu, öz növbəsində ürək-damar sağlamlığına mənfi təsir edən stress hormonu — kortizolun səviyyəsinin azalmasına səbəb olur.
Sağlam çəki də uzunömürlülərin səciyyəvi xüsusiyyətlərindən biridir. Bu, nə həddindən artıq arıqlıq, nə də piylənmənin olması deməkdir. Belə insanların orqanizmi ekstremal vəziyyətlərin yaratdığı daimi daxili stressə məruz qalmır. Normal bədən kütləsi indeksi təkcə fiziki göstərici deyil, həm də daxili tarazlığın əlamətidir: yüzilliklər adətən qidaya qarşı fanatik münasibət sərgiləmir, həmçinin bədənlərinə tam biganə də qalmırlar.
