Yatmazdan əvvəl smartfondan istifadə ürək xəstəliyi riskini artırır- ALİMLƏR XƏBƏRDARLIQ EDİR
Daily Mail xəbər verir ki, Amerika Ürək Assosiasiyasına təqdim edilən tədqiqatlar göstərir: yatmazdan əvvəl mobil telefon və digər parlaq ekranlı cihazlardan istifadə ürək-damar xəstəlikləri riskini artıra bilər.
Alimlər bildirirlər ki, gecələr süni işığa, o cümlədən smartfon və planşet ekranlarının işığına məruz qalmaq beyin fəaliyyətini artırır və orqanizmdə iltihabi prosesləri təşviq edir. Nəticədə zaman keçdikcə ürək və qan damarlarında gərginlik yaranır, bu da ciddi sağlamlıq problemlərinə səbəb ola bilər.
Mütəxəssislər sağlamlıq risklərini azaltmaq üçün yatmazdan ən azı bir saat əvvəl ekranlardan uzaq durmağı və yataq otağında qaranlıq, sakit mühit yaratmağı tövsiyə edirlər.
