Hakerlər WhatsApp-ı silaha çevirib – EHTİYATLI OLUN!
Siber təhlükəsizlik tədqiqatçıları, Ethernidade Stealer adlı inkişaf etmiş bankçılıq trojanının Braziliyada WhatsApp üzərindən yayıldığını bildiriblər.
Masaüstü sistemləri hədəf alan bu zərərli proqramın populyar mesajlaşma tətbiqini istifadə edərək istifadəçilərin maliyyə məlumatlarını ələ keçirməyə çalışdığı vurğulanır.
Mütəxəssislər, WhatsApp söhbətlərində bank məlumatları saxlayan istifadəçiləri xəbərdar edərək bu məlumatların təcili şəkildə silinməsini tövsiyə edirlər.
Infosecurity Magazine-ə görə, hücum mürəkkəb şəkildə gizlədilmiş bir VBScript faylı ilə başlayır. Bu fayl Python əsaslı WhatsApp qurdunu sistemə yükləyir. Sözgedən qurud:
avtomatik mesaj göndərir,
əlaqə siyahısını ələ keçirir,
fayl paylaşımı edir
və bununla trojanın sürətlə yayılmasına şərait yaradır.
Hədəf bankçılıq və maliyyə tətbiqləridir
Delphi əsaslı Ethernidade Stealer yükləyicisi Braziliya portuqal dili ilə işləyən sistemlər üçün hazırlanıb. Lakin mütəxəssislər qlobal riskin mövcud olduğu barədə xəbərdarlıq edirlər.
Troyan aşağıdakı bank və platformaları hədəf alır:
Santander, Itaú, Caixa, Bradesco
Binance, MercadoPago
İnkişaf etmiş xüsusiyyətlər: aşkarlanmadan gizlənmə, məlumat oğurluğu, komanda-idarəetmə şəbəkəsi
Ethernidade Stealer adi bank trojanlarından daha güclü imkanlara malikdir. O, komanda-idarəetmə serverini aşkar etmək, WhatsApp kontaktlarını oğurlamaq, process hollowing texnikası və antiviruslardan yayınma kimi xüsusiyyətlərə sahibdir. Həmçinin brauzer məlumatlarını toplayaraq istifadəçiləri hədəf yönümlü maliyyə oğurluğuna açıq vəziyyətə gətirir.
Trustwave SpiderLabs tədqiqatçıları kampaniyanın Braziliya mərkəzli olduğunu bildirir, lakin WhatsApp-dan istifadə edən bütün masaüstü sistemlərin risk altında olduğunu qeyd edir. Naməlum mənbələrdən gələn script və ya MSI fayllarının işə salınmaması xüsusilə vurğulanır.
Mütəxəssislər şübhəli mesajlara toxunmamağı, naməlum keçidlərə daxil olmamağı və WhatsApp üzərindən göndərilən fayllara qarşı diqqətli olmağı tövsiyə edirlər.
“Tək bir klik, bütün şəxsi məlumatlarınızı və yığımınızı saniyələr içində itirməyinizə səbəb ola bilər.” – deyə xəbərdarlıq edilir.
Xpress.az
