Yeni il günü süfrədə bu yeməklər mütləq olmalıdır

Xpress.az xəbər verir ki, Maarifləndirmə Dövlət Universitetinin Təbii Elmlər fakültəsinin müəllimi, biolog İrina Lyalina Yeni il bayramı günlərində şəkərli diabetdən əziyyət çəkənlər üçün faydalı məhsullar barədə danışıb.

Ekspert “Газета.Ru”ya açıqlamasında bildirib ki, diabeti olan şəxslərin menyusuna mütləq şəkildə tərəvəzlər, göyərti, yağsız ət, balıq və tam taxıllı məhsullar daxil edilməlidir. “Menyuda zülallar və faydalı yağlar mütləq olmalıdır”, — deyə Lyalina vurğulayıb.

Onun sözlərinə görə, diabet xəstələri şirniyyat, pirojna, bulka, şirin souslar və qazlı içkilər kimi məhsullar əvəzinə təzə giləmeyvələr, sobada bişmiş alma, şəkərsiz bitki və ya yaşıl çay, eləcə də mineral su seçməyə üstünlük verməlidirlər.

Qeyd edək ki, daha əvvəl dietoloq və qidalanma mütəxəssisi Anna Belousova NSN-ə açıqlamasında bildirib ki, “boş kalori” baxımından ən zərərli məhsulların siyahısına şəkər və onunla əlaqəli bütün məhsullar başçılıq edir.