Dünya
Honq Konqda üçkünlük matəm elan edildi
Xpress.az Redaksiyası
29.11.2025 10:59
Honq Konqda 128 nəfərin həlak olduğu yanğından sonra üçgünlük matəm elan edilib.
Bu barədə məlumatı şəhər administrasiyası yayıb.
Bildirilib ki, 29 noyabr–1 dekabr tarixlərində bütün dövlət binalarında bayraqlar yarıya endiriləcək.
Məlumata görə, matəm günlərində rəsmilər ictimai tədbirlərdə iştirak etməyəcək. Hökumətin təşkil etdiyi və ya dəstəklədiyi bütün əyləncə proqramları ya ləğv olunub, ya da başqa tarixə keçirilib.
Şəhərin bütün rayonlarında vətəndaşların başsağlığı qeydləri yazması üçün xüsusi məkanlar ayrılıb və bir sıra anım tədbirləri planlaşdırılıb.
