Sizdən bu şəkildə pul istəsələr EHTİYATLI OLUN
Hesabın sındırıldığını göstərən əsas əlamətlər açıqlanıb
Tanış şəxsin hesabının ələ keçirildiyini göstərən əsas əlamətlərdən biri gözlənilmədən pul köçürülməsi ilə bağlı xahişlərin gəlməsi və ya şübhəli məzmunlu faylların göndərilməsidir. Bu barədə Rusiya DİN-in hazırladığı materiallarda qeyd olunur.
Qurumun məlumatına görə, belə fayllar çox vaxt APK formatında olur. Onların içərisində yükləmə düyməsinə toxunduqda aktivləşən zərərli proqramlar gizlənə bilər. Bu cür proqram təminatı vasitəsilə dələduzlar telefonunuza uzaqdan giriş əldə edir, şəxsi məlumatlarınızı ələ keçirə bilirlər.
Mütəxəssislər şübhəli mesaj və fayllara qarşı diqqətli olmağı, tanışlardan gələn qeyri-adi istəkləri dəqiqləşdirmədən yerinə yetirməməyi tövsiyə edirlər.
